Wisgi brag sengl gyda gorffeniad Madeira yw Legend, wedi’i botelu ar gryfder o 41% abv.
NODIADAU BLASU
Arogl: aroglau afalau a ffrwythau sitrws ffres gyda chyffug hufen a rhesins syltana i greu wisgi cymhleth ond ffres, glân a chytbwys.
Blas: Llyfn tu hwnt gyda digonedd o flas ffrwythau ffres a sych cyfoethog. Cywrain a melys gyda’r mymryn lleiaf o chwerwder i adfywio.
Gorffeniad: Adflas hir o gacen Madeira a syltanas.
2015 Global World Whisky Masters – Aur
Wisgi brag sengl yw Myth wedi’i aeddfedu mewn hen gasgenni gwin coch a bourbon wedi’u dewis yn arbennig, a’i botelu ar gryfder o 41% abv.
NODIADAU BLASU
Arogl: Mae Myth yn ffres a bywiog, gyda chymysgedd o ffrwythau sitrws gydag afal, losin ‘pear drops’ a’r awgrym lleiaf o ffrwythau trofannol.
Blas: Melys i ddechrau ond yna’n newid i ganiatáu i dipyn o chwerwder braf ddod i’r amlwg, ond y ffrwythau cymysg yw’r blas amlycaf o hyd.
Gorffeniad: Yn raddol mae’r blasau amrywiol yn cilio gan adael atgof o wisgi bywiog a golau sy’n hawdd i’w yfed.
2015 Global World Whisky Masters – Aur
Mae Celt yn wisgi brag sengl wedi’i orffen mewn hen gasgenni chwarter blas mawn, a’i botelu ar gryfder o 41% abv.
NODIADAU BLASU
Arogl: Mae arogleuon ysgafn mwg mawn, bore cynnar ar lan y môr creigiog a marmalêd cynnes ar dost oll yn cystadlu am ein sylw.
Blas: Mae’n dechrau gyda melyster mawr cyn i’r blasau myglyd, mymryn yn feddyginiaethol ymddangos.
Gorffeniad: Ychydig o chwerwder yn dilyn sy’n gadael ffresni hirhoedlog yn y geg.
2016 World Whisky Masters ‘Europe Single Malt Premium Whiskies’ – Aur